धनगढी : धनगढीको महालक्ष्मी बैंक नजिकको घरमा कोठा भाडामा लिएर बस्ने एक जना ६२ वर्षका पुरुष आफ्नै कोठामा मृत फेला परेका छन ।
जिल्ला प्रहरी कार्यालय कैलालीका प्रवक्ता कविन्द्र बोहराले दिएको जानकारी अनुसार आज विहान ९ बजेतिर नाम ठेगाना खुल्न नसकेको ब्यक्ति मृत फेला परेका हुन ।
घटनास्थल गएका प्रहरी निरिक्षक उपेन्द्र बमले भने ती ब्यक्तिको घर अछाम र खवास थर रहेको थाहा भएको बताए । ‘नजिकैको सेती प्लाजा होटलमा कुक रहेछन, साउनको ४ गते उक्त होटल अर्कोले किनेपछि होटल छोडेको भन्ने कुरा आएको छ । कोठामा मृत फेला परेका छन । उनी विहानै देखि मदिरा पनि सेवन गर्ने भन्ने कुरा खुलेको छ’ प्रहरी निरिक्षक बमले भने ।
मृतकको सव सेती प्रादेशीक अस्पतालमा राखिएको छ भने आफन्तहरुको खोजी भईरहेको प्रहरीले जनाएको छ ।
