धनगढी : कैलालीसँग सीमाना जोडिएको भारतको दुधवा नेशनल पार्क लागुपदार्थ प्रयोगकर्ताको अखाडा बनिरहेको छ । सीमावर्ती बजार बनगवाँका अधिकांस पसलमा ब्राउन सुगर पाउन थालेपछि नेपाली लागुपदार्थ सेवनकर्ता भारतको दुधवा नेशनल पार्कभीत्र गएर सेवन गर्न थालेका हुन ।
गौरीफन्टा बजार हटेपछि नेशनल पार्कको मध्यवर्ती क्षेत्रमा रहेको बनगवामा बजार बसेको थियो । नेपाली ग्राहकहरुमा मात्रै भर परेको उक्त बजारमा ब्राउन सुगरका कारोबारी पनि बढेका छन । नेपाल तर्फ प्रहरीले चेकजाँचमा कडाई गरेपछि सेवनकर्ता भारतको दुधवा नेशनल पार्कभीत्र बसेर सेवन गर्न थालेका छन ।
दैनिक उपभोग्य सामान भन्दा कैयौं गुणा बढी मुनाफा हुने भएकाले बनगवा बजारमा फड लगाएर बसेका अधिकांस ब्यक्तिहरु ब्राउनसुगर बेच्न थालेका छन । तर भारतको प्रहरीले भने उक्त कारोबार रोक्ने प्रयास गरेको पाईदैन ।
ब्राउन सुगर भारतको पलियामा १५ सय भारुमा एक ग्राम पाउने गरेको छ । तर बनगवा मण्डीमा आएर उक्त एक ग्राम ब्राउन सुगर ३५ रुपैया ग्राममा विक्रि भईरहेको छ । बनगवाको थारु गाउँमा खुलमखुला रुपमा ब्राउन सुगर विक्रि भईरहेको छ । भारतीय प्रहरीले लखिमपुरमा शुक्रबार नै १० ग्राम ब्राउन सुगर सहित एक जना पक्रउ गरेपनि भारतका युवाहरुलाई विक्रि नगर्ने थाहा पाएपछि पक्राउ परेका भारतीयहरु छिट्टै छुटने गरेका छन ।
शुक्रबार मात्रै ४ जना नेपाली युवकहरु भारतको दुधवा नेशनल पार्कमा पक्राउ परेका छन । उनीहरु लागुपदार्थ सेवन गरेर लठ्ठ भएको अवस्थामा पक्राउ परेका हुन ।
