धनगढी : कैलालीको धनगढीमा ठुलो परिमाण सहितको ब्राउनसुगर सहित एक जना पक्राउ परेका छन् । वडा प्रहरी कार्यालय धनगढीबाट प्रहरी निरीक्षक योगेश खत्रीको कमाण्डमा खटिएको प्रहरी टोलीले धनगढी उपमहानगरपालिका–३ त्रिनगर ब्यारेल नजिकैबाट लागुऔषध सहित युवक पक्राउ गरेको हो ।
डोटीको दिपायल–सिलगढी नगरपालिका–६ घर भई हाल धनगढी–१ त्रिवेणी चोक नजिकै कोठा गरी बस्ने १८ वर्षीय अनुरोध श्रेष्ठलाई ६०१ मिलिग्राम लागुऔषधसहित पक्राउ गरिएको जिल्ला प्रहरी कार्यालय कैलालीले जनाएको छ ।
उनलाई जिल्ला प्रहरी कार्यालयको हिरासत कक्षमा राखेर अनुसन्धान भइरहेको छ । उनले बोकेका सामानहरुको सुक्ष्म रुपमा चेकजाँच गर्दा साबुनभित्र लुकाई राखेको ५ ग्राम ४३० मिलिग्राम ब्राउन सुगर सहित कुल ६ ग्राम ३१ मिलिग्राम लागुऔषध बरामद गरिएको प्रहरीले जनाएको छ ।
