महेन्द्रनगर : पुर्व पश्चिम् राजमार्ग अन्तर्गत कंचनपुरको शुक्लाफाटा नगरपालिका –११ स्थित कलुवापुरमा यात्रु बाहक बस दुर्घटना हुँदा ३१ जना घाइते भएका छन ।
जिल्ला प्रहरी कार्यालय कञ्चनपुरका सुचना अधिकारी प्रहरी नायब उपरीक्षक उमेश जोशीका अनुसार धनगढीबाट महेन्द्रनगर आउदै गरेको ना ४ ख ७७५५ नम्बरको बस दुर्घटना भएको हो । बसमा सवार ३१ जना यात्रु घाइते भएका छन । दुई जनाको अवस्था गम्भीर छ ।
प्रहरीका अनुसार धनगढीमा नेत्रविक्रम चन्द (विप्लव) को कार्यक्रममा सहभागि भएर महेन्द्रनगर फर्कदै गर्दा बस दुर्घटना भएको हो । घाइतेहरुको अत्तरिया र महेन्द्रनगर स्थित महाकाली अस्पतालमा उपचार भइरहेको प्रहरीले जनाएको छ ।
