सुखड (कैलाली) : बर्तमान कार्यसमितिका दुुई जना पदाधीकारीलाई पाखा लगाउदै यज्ञराज ढंगाना नेकपा एमाले कैलालीको अध्यक्षमा जितेका छन । उनले वर्तमान कार्यसमितिका कार्यबाहक अध्यक्ष दुुर्गा प्रसाद जोशी र सचिव डेजी पाण्डेलाई हराएका हुन ।
पदाधीकारीको अन्तिम मत परिणाम अनुसार ढुंगानाले २८७, पाण्डेले २१८ र जोशीले ६३ मत प्राप्त गरे । अध्यक्षका उमेदवार तीनै जनाले प्यानलसहित उम्मेदवारी दिएका थिए । तर प्यानलमा भने मिश्रीत परिणाम आएको छ ।
उपाध्यक्षमा डेजी पाण्डे प्यानलका लोकेन्द्रबहादुर शाही पाँच मतले विजयी भएका छन् । उनले एक सय ९३ मत पाउँदा प्रतिद्वन्द्वी दलबहादुर बिष्टले एक सय ८८ मत पाए । उपाध्यक्षका उम्मेदवार विष्णु चौधरीले एक सय ६ मत, मदनराज ओझाले ३३ मत र गजेन्द्र स्वारले २७ मत ल्याएका छन् ।
सचिवमा पनि पाण्डे प्यानलका ममताप्रसाद चौधरी विजयी भएका छन् । चौधरी दुई सय ४३ मतसहित विजयी हुँदा उनका प्रतिद्वन्द्वी ढुंगाना प्यानलका विष्णुकुमार चन्दले एक सय ६८ मत पाए । सचिवकै अर्का उम्मेदवार दानबहादुर विश्वकर्माले एक सय ४७ मत प्राप्त गरेका छन् । विश्वकर्मा दुुर्गा प्रसाद जोशी प्यानलबाट चुनाव लडेका थिए ।
उपसचिव(खुला) मा भने ढुंगाना प्यानलका चुडामणी भट्ट विजयी भएका छन् । भट्ट दुई सय ५१ मत पाएर विजयी हुँदा उनका प्रतिद्वन्द्वी भुवन रिजालले एक सय २३ मत पाए । यस्तै अर्का उम्मेदवार नृप थ्यायत खड्काले ९५ र राजु गुरूङले ७१ मत पाएका छन् ।
उपसचिव (महिला) मा गंगाकुमारी चौधरी एक सय ९६ मतसहित विजयी भएकी छन् । उनकी प्रतिद्वन्द्वी शान्तिदेवी सिंहले एक सय ६१, रत्ना कुँवर जोशीले ९४ र अम्बिका विष्टले ९० मत पाएकी छन् ।
फागुन ६ गते सुरू भएको एमाले नवौँ अधिवेशनमा छैटौं दिन शुक्रबार मात्र मतदान भएको थियो । कुल पाँच सय ९१ प्रतिनिधि रहेकोमा पाँच सय ७७ मत खसेको थियो ।
