धनगढी : ललितपुरमा एक जना किशोरको हत्या भएको छ । सोमबार राति ललितपुर महानगरपालिका–९ च्यासलस्थित द टाउन क्याफेमा एक किशोरको हत्या भएको हो ।
मृतक सुनसरीको इटहरीका २३ वर्षीय नयन गुरूङ रहेको जिल्ला प्रहरी परिसर ललितपुरका एसपी नवरत्न पौडेलले बताए । गुरूङमाथि तीन जना व्यक्तिहरूले कुटपिट तथा चक्कु प्रहार गरेको प्रहरीले जनाएको छ ।
हत्या गरेको आरोपमा उक्त रेष्टुरेन्टमै काम गर्ने च्यासल बस्ने २६ वर्षीय हेमराज भट्ट, काभ्रेका २२ वर्षीय जनकबहादुर तामाङ र दार्चुलाका ४१ वर्षीय पदमलाल भट्टलाई प्रहरीले पक्राउ गरेको छ ।
एसपी पौडेलले घटना बिल तिर्ने विषयलाई लिएर भएको बताएका छन । घटनामा संलग्न व्यक्तिहरूसँग बिल तिर्ने विषयमा विवाद सुरू भएपछि चक्कु प्रहारसम्म हुन पुगेको प्रहरीले जनाएको छ ।
