डोटीः डोटीमा सुत्केरी हुन नसकेपछि अचेत अबस्थामा रहेकी एक महिलाको नेपाली सेनाको हेलिकोप्टरबाट उद्दार गरिएको छ ।
जिल्लाको बडिकेदार गाउँपालिका–५ केदारमाण्डौका लक्ष्मण पुन मगरकी २३ वर्षीया श्रीमती बिष्नादेवी पुन मगरको आइतवार हेलिकोप्टरबाट उद्दार गरिएको हो । स्थानीय सामुदायिक स्वास्थ्य ईकाई सिडिखेतमा सुत्केरी हुन नसकेकी उनको नेपाली सेनाको हेलिकोप्टरबाट कर्णाली प्रादेशिक अस्पताल सुर्खेत पुर्याई उपचार भई रहेको जिल्ला प्रहरी कार्याल डोटीले जनाएको छ ।
