धनगढी : कैलालीको धनगढी उपमहानरपालिका वडा नम्बर ४ बसपार्कमा रहेको एक होलसेल पसलमा आगलागी भएको छ । विहीबार राती विद्युतको तार सर्ट भएर जिएस ट्रेडर्समा आगलागी भएको हो । आगलागीबाट पसलको भूईतलामा राखिएको सबै रेडिमेड सामान जलेर नष्ट भएको कैलाली होलसेल व्यवसायी संघका अध्यक्ष देवराज पाण्डेले बताए ।
उक्त पसल होससेल ब्यवसायी श्यामकृष्ण खतिवडाको हो । पसलमा महंगामंहगा सामान राखिएको र जलेर सबै खरानी भएको अध्यक्ष पाण्डेले बताए । उनका अनुसार साढे २ करोडको रेडिमेट सामान लुगाकपडाहरु जलेर नष्ट भएको छ । राति साढे ९ बजेतिर आगलागी भएको हो । पछि दुईवटा दमकलको सहायताले आगो नियन्त्रणमा लिईएको थियो ।
‘दमकल नभएको भए घरसमेत ध्वस्त हुने अवस्था थियो’ अध्यक्ष पाण्डेले भने । केही दिनदेखि नै विद्युतमा समस्या देखिन थालेपछि नेपाल विद्युत प्राधिकरणलाई जानकारी गराएका स्थानीयले बताएका छन । तर विद्युतमा सुधार हुन सकेको थिएन ।
