धनगढी । कैलालीमा ७ ग्राम खैरो हेरोईनसहित प्रहरीले युवकलाई पक्राउ गरेको छ ।
टिकापुर नगरपालिका– ९ बालुवाटारमा जानकी गाउँपालिका– ९ पुर्व खैरीफाँटा बस्ने २० वर्षीय निरज जैसीलाई ७ ग्राम २६० मिलिग्राम लागुऔषध खैरो हेरोईनसहित पक्राउ गरिएको प्रहरीले जनाएको छ ।
जैशीले चलाएको से ६ प ९०६३ नम्बरको मोटरसाईकललाई शंकाका आधारमा चेकजाँच गर्दा पछाडीको दुवै ईन्डिकेटर भित्र लुकाईछिपाई राखेको अवस्था खैरो हेरोईन बरामद गरिएको प्रहरीको भनाइ छ ।
जैसीलाई ईलाका प्रहरी कार्यालय टिकापुरले नियन्त्रणमा राखेर अनुसन्धान गरिरहेको छ ।
