धनगढी : प्रधानमन्त्री केपी शर्मा ओलीले पूर्व राजा ज्ञानेन्द्रलाई राजनीतिमा आउन चुनौती दिएका छन । सुदूरपश्चिम प्रदेश सभाको १७ औ बैठकलाई सम्बोधन गर्दै प्रधानमन्त्री ओलीले यस्तो चुनौती दिएका हुन ।
‘फागुन ६ गते पूर्व राजाको कुरा सुन्दा अचम्म लाग्यो । मलाई साथ दिनुस, म आउछु, देश बनाउछु, देश के भएको छ ? प्रधानमन्त्री ओलीले भने । ‘यस्ता अस्थिरताका क्रियाकलापहरुले, अराजकताका क्रियाकलापहरुले देशलाई सभ्य ढंगले, सुसंस्कृत ढंगले अगाडि बढन दिदैन ।’
ओलीले पूर्व राजालाई राजनीति आए स्वागत गरिने बताए । ‘अराजनीतिमा आउने की राजनीतिमा ? राजनीतिमा आउुने हो भने युआर वेलकम । स्वागत छ । उमेदवार हुनुहुन्छ साथ माग्न हुनुहुन्छ, मजाले माग्न पाईन्छ । तर अराजनीतिक कुरा गरेर देशमा अस्थिरता ल्याउन पाईदैन ।’
प्रधानमन्त्री ओलीले देशमा विग्रेको आर्थिक अवस्थामा सुधार आईरहेको बताए । ‘मैले प्रधानमन्त्री हुुँदाको बेलाको अर्थब्यवस्था नाजुक थियो । गतवर्ष २५ प्रतिसत कम राजश्व संकलन भएको थियो । यो वर्ष ३० प्रतिसत बढी राजश्व संकलन गर्ने लक्ष्य लिएका छौं, अर्थब्यवस्था छिट्टै लयमा आउछ’ उनले भने ।
प्रदेश सभालाई सम्बोधन गर्दै ओलीले यो सरकार २०८४ सालको चुनाव गरेर मात्र ढल्ने बताए । ‘अहिले सरकार आजै ढल्छ भोली ढल्छ, भरे ढल्छ भनेर रमाउनेहरु बढी छन, म के आश्वस्त पार्न चाहन्छु भने यो सरकार ८४ को चुनाव गरेर मात्र ढल्छ ।
उनले अन्तिम १८ महिनाका लागि काँग्रेसले नेतृत्व लिने सहमति भएको बताए । ‘१८ महिनाका लागि शेरबहादुर जि को नेतृत्वमा सरकार चल्छ । उहाँले नै २०८४ सालको चुनाव गराउनुहुन्छ । त्यसपछि कसको सरकार बन्छ ? त्यो कुरा परिणाले देखाउने भयो’ प्रम ओलीले भने ।
प्रदेश सभा सम्बोधन पछि ओलीले संघ सरकारको लगानीमा बनेको धनगढी सिटि हलको पनि उद्घाटन गरे भने उक्त हल सञ्चालनको जिम्मेवारी धनगढी उपमहानरपालिकालाई दिईएको छ । आइतबार ओलीले सिटिहल उपमहानगरलाई हस्तान्तरण पनि गरे ।
आईतबार विहान ओलीले सुदूरपश्चिम विश्वविद्यालयको दिक्षान्त समारोहको पनि उद्घाटन गरेका थिए । ओली आईतबार नै राजधानी फर्किएका छन ।
