धनगढी : २०४८ सालतिरको कुरा हो, महेन्द्रनगर नगरपालिका वडा नम्बर ६ हल्दुखालमा यज्ञराज भट्टको गहुँ पिस्ने र तेल पेल्ने मिल थियो । मिलको नाम जगन्नाथ राईस मिल भएपनि सबैले त्यसलाई ‘यज्ञको मिल’ भनेर चिन्थे । बैतडीको खलंगा नजिकैको रिचपालामा जन्मेकाले पनि होला, उनले आफ्नो कुलदेवताको नामले मिलको नाम जगन्नाथ राखेको हुनुपर्छ ।
‘यज्ञको मिल’ महाकाली जनसेवा मावि हल्दुखाल जाने बाटोमै थियो । म त्यतीबेला महाकाली जनसेवामा कक्षा ८ मा पढथे । विद्यालय जाने बाटोमै पर्ने भएकाले पनि विद्यालय जाने बेला साईकलमा गहुँ पुगाएर जाने र बिदा भएपछि ल्याउने गरिन्थ्यो । यो क्रम करिब तीन÷चार वर्ष रह्यो । २०५० सालमा एसएलसी (एसईई) दिएपछि मात्रै ‘यज्ञको मिल’ को मेरो यात्रा समाप्त भयो ।
नेपाल प्रहरीको प्रहरी नायव निरिक्षक पदबाट सेवानिबृत भएका बुवा हेमराज भट्टले २०४८ सालमा मिलको स्थापना गरेका थिए । प्रमाणपत्र तहसम्मको शिक्षा लिदै गरेका बेला यज्ञले बुवाले स्थापना गरेको मिल सम्हाल्न थाले । सुरुका केही वर्ष तेल पेल्ने र गहुँ पिस्ने काम मिस्त्रीले गरेपनि त्यसपछिका दिनमा अथवा मैले मिलमा जाँदा यज्ञ आफै काममा खटिएका देखिन्थे ।
महाकाली जनसेवाको मेरो पढाई सकिएपछि यज्ञसँगको मेरो सम्पर्क टुट्यो । उच्च शिक्षाका क्रममा कहिले महेन्द्रनगर बजारतिर त कहिले भारततिर लागिएकाले पनि उनीसँगको खासै उठबस हुन पाएको थिएन ।
तर एउटा सामान्य राईस मिलको यात्राबाट आफ्नो ब्यवसायीक करिअर सुरु गरेका यज्ञले २०८१ सालको चैत १५ गते सुदूरपश्चिमको राजधानी धनगढीको सहिदगेट नजिकै गोदावरी टायल एण्ड मार्वल्सको भब्य समारोहका बीच उद्घाटन गराए । नेपाली सिनेजगतका सुपरस्टार विराज भट्ट, चर्चित गायक चक्र बम र उनका बुवा हेमराज भट्टले सोरुमको उद्घाटन गरे ।
सोरुममा करिब १५ करोड भन्दा बढीको लगानी रहेको उनले बताए । भारतको नम्बर वान ‘कजरिया’ ब्राण्डको टायल र मार्बलको उनी सुदूरपश्चिमका अधिकृत विक्रेता बनेका छन । भारतका विभिन्न दर्जन स्थानमा उद्योग स्थापना गरिसकेको ‘कजरिया’ ले केही महिना अघि मात्रै नेपालको भैरहवाबाट उत्पादन सुरु गरेको थियो ।
‘टायल र मार्बलको दुनीयामा ‘कजरिया’ ब्राण्ड विश्वप्रसिद्ध छ । यस कम्पनीको अधिकृत विक्रेता हुन पाउदा खुसी लागेको छ’ आफ्नो मील सञ्चालनका बेलाको ब्यवसाय स्मरण गर्दै यज्ञले भने । ‘मलाई नेपालमै भविष्य खोज्नुपर्छ भन्ने जुनून थियो ।’
यज्ञले कान्छा छोरा विरेन्द्र भट्टलाई नेपालमै रोक्नका लागि गोदावरी टायल एण्ड मार्बलको म्यानेजिङ डिरेक्टर बनाएका छन । २ करोड भन्दा बढी लगानी सोरुमको सजावटमै गरेका उनले आफुसँग घर निर्माण पछि चाहिने ईन्टेरियर (घरभीत्रको सजावट) का मात्रै १५ करोड बढीको सामान रहेको दाबी गरे ।
उनको पसलमा अहिले भारतकै ‘जैकवार’ र ‘सिल्कवेयर’ ब्राण्डका फिटिङहरु पनि छन । १० वर्षसम्मको वारेन्टी भएका अत्याधुनीक धारा, फिटिङ, टुटी, कम्बोडहरुको पनि उनी अधिकृत विक्रेता हुन । उनको पसलमा दक्षिण भारतको ग्रिनाईट पनि पाईन्छ ।
मोडुलर किचेन (अत्याधुनीक भान्सा) उनको अर्को ध्येय हो । ‘ब्यक्ति घर बनाउछ तर घरभीत्रका फिटिङहरु सहजै पाउदैन । धनगढीमा छान्न सकिने गरि सामान पाईदैन । तर गोदावरीमा ती सबै सामान छानीछानी पाउने गरि स्टक राखेको छु’ उनको दाबी छ ।
उनको पसलमा स्पलाईस ब्राण्डका लेमिनेट पनि पाईन्छ । ३० वर्ष वारेन्टी भएका सोलिड ढोका, जाली ढोका, म्यामरेन ढोका पाउने उनले बताए । ‘अरु सामान भन्दा महंगो छैन । यसमा धमिरा पनि लाग्दैन । सुन्दर पनि हुन्छ । पुरानो खालका प्लाईका ढोकाको मूल्य भन्दा खासै महंगो पनि छैन । तर ब्यक्तिहरु खोजेर पनि सामान नपाउने समस्या छ । त्यसकै पूर्तीका लागि सोरुम खोलिएको हो’ उनले भने ।
यस्तो थियो उनको ब्यवसायीक यात्रा
बुवाले २०४८ सालमा खोलिदिएको मिलमा दैनिक जसो २÷३ सय कमाई हुने गथ्र्यो । तेल र धान कुटने मेसिन राखेपछि त्यसमा केही सुधार आयो । बुवा नेपाल प्रहरीका जागिरे भएकाले उनले विदेश जान चाहेमा उनलाई अरुको भन्दा सहज पनि थियो । तर उनले विदेश जाने सोच कहिल्यै बनाएन ।
उनको जगन्नाथ राईस मिलको यात्रा करिब ३० वर्षको रह्यो । उनले मिलबाट मात्रै मनग्य आम्दानी नदेखेपछि ब्यवसायमा अर्को आयाम थपे । देश संघीयतामा गएसँगै ब्यापार पनि कैलालीतिर सर्दै गएको उनलाई अनुभूती भयो । उनले २०७६ सालमा सुदूरपश्चिमका ७ वटा पहाडि जिल्लाको प्रवेशद्वार मानिएको अत्तरियामा हार्डवयरको ब्यवसाय सुरु गरे । गोदावरी हार्डवयर नामबाट सुरु गरिएको ब्यवसायमा उनले ग्लासेज (शिसाहरु) प्लाईउट र फिटिङ आईटमको होलसेल गर्दा उनको ब्यवसायको नाम गोदावरी ट्रेडिङ ग्रुप प्रालि भयो ।
ब्यवसायमा केही सुधार भईरहेको थियो । तर ६ महिना नबित्दै कोरोना सुरु भयो । ‘लगानी बढिसकेको थियो, तर कोरोनाले सबै ध्वस्त बनायो । मानिसलाई बाँच्ने कसरी ? भन्ने चिन्ता भईरहेका बेला मेरो ब्यवसाय फस्टाउने कुरै थिएन । तर मैले हिम्मत हारेन । अढाई वर्षको कोरोनाकालमा पनि सन्तुलन नगुमाएर लागि रहे’ उनले भने ।
२०७९ सालमा अथवा २ वर्ष अघि मात्रै यज्ञले आफ्नो ब्यवसाय धनगढी सहिदगेट नजिक सारेका हुन । करिब १४ कट्टा जग्गा, १५ वर्षका लागि भाडामा लिएर उनले गोदावरी टायल एण्ड मार्बलको ब्यवसाय पनि सुरु गरेका हुन । अहिले उनको एउटै स्थानमा गोदावरी ट्रेडिङ ग्रुप प्रालि र गोदावरी टायल एण्ड मार्बल सञ्चालनमा छन ।
