बैतडी : बैतडीमा जीप दुर्घटना हुँदा एक जनाको मृत्यु भएको छ भने सात जना घाइते भएका छन् । जिल्ला प्रहरी कार्यालय बैतडीले दिएको जानकारी अनुसार जिल्लाको दोगडाकेदार गाउँपालिका–२ कटौजपानीमा जीप दुर्घटना भएको हो ।
सिल्लेगडा बजारबाट यात्रु बोकेर कालागोरा गाउँ जाँदै गरेको सु प्र ०१००ज १५३७ नम्बरको बोलेरो जीप कटौज पानीमा दुर्घटनामा परेको जिल्ला प्रहरी कार्यालय बैतडीका प्रवक्ता नन्दराज जोशीले जानकारी दिए ।
जीपमा सवार दोगडाकेदार– ८ कालागाउँकी १५ वर्षीया मनिषा विष्टको घटनास्थलमै मृत्यु भएको प्रहरी प्रवक्ता जोशीले बताए । उनका अनुसार चालकसहित घाइते सातै जनाको जनाको जिल्ला अस्पताल बैतडीमा उपचार भैरहेको छ ।
