धनगढी : सत्ता गठबन्धनका चार दलहरुबीच समाजवादीका दीर्घ सोडारीलाई मुख्यमन्त्री बनाउने सहमति भएपछि समाजवादीmले लक्ष्मण किशोर चौधरीलाई दिएको समर्थन फिर्ता लिएको छ ।
सत्ता गठबन्धनबीच सुदूरपश्चिममा समाजवादीलाई मुख्यमन्त्री दिने सहमती भएपछि समाजवादीले समर्थन फिर्ता लिएके हो । समाजवादीका नेता दीर्घ सोडारी आफै प्रदेश प्रुमुखको कार्यालयमा पुगेर समर्थन फिर्ता लिएका हुन ।
बैशाख २ गते नेपाली काँग्रेस, समाजवादी र राप्रपाको समर्थनमा नागरिक उन्मुक्तिका लक्ष्मण किशोर चौधरीले मुख्यमन्त्रीमा दाबी पेश गरेका थिए । काँग्रेस १८, समाजवादी ४, राप्रपा १ र आफ्ना ७ जना गरी उनले २९ जनाको समर्थन रहेको दाबी पेश गरेका थिए ।
समाजवादीले लक्ष्मणकिशोरलाई दिएको समर्थन फिर्ता लिने भएपछि अब लक्ष्मणकिशोरसँग २५ जना प्रदेश सभा सदस्य बाँकी रहन्छन । तर उनकै पार्टीका ७ जना मध्ये २ जना उनलाई समर्थन नगर्ने पक्षमा छन । बैठकमा समाजवादीले समर्थन फिर्ता लिने निर्णय भएपछि, कुनै पनि दाबीकर्ताको स्पष्ट बहुमत नभएकाले प्रदेश प्रमुखले मुख्यमन्त्री दाबीका लागि थप समय दिनसक्छन ।
बैशाख २ गते नागरिक उन्मुक्तिकै कैलाश चौधरीले पनि मुख्यमन्त्रीमा दाबी पेश गरेका थिए । स्रोतका अुनसार कैलाशले पनि आफ्नो दाबी फिर्ता दिने सहमति भएको छ ।
५३ प्रदेश सभा सदस्य रहेको सुदूरपश्चिममा १ जनाको निधन भएपछि अहिले ५२ प्रदेश सभा सदस्य छन । सरकार बनाउनका लागि २७ जनाको बहमुत आवश्यक पर्छ । समाजवादीसँग अब माओवादीका ११, एमालेका १०, आफ्ना ४, एक जना स्वतन्त्र र २ जना नागरिक उन्मुक्तिका भएपनि सरकार बनाउने सम्भावना बलियो बनेको छ ।
