धनगढी ः सिद्धार्थ होटलको जग खन्नेक्रममा भेटिएको सकेट बम नेपाली सेनाको टोलीले निस्कृय पारेको छ । शुक्रबार विहान धनगढी उपमहानगरपालिका वडा नम्बर ३ बिशालनगरमा सिद्वार्थ होटलको जग खन्ने क्रममा खाल्टोमा सकेट बम भेटिएको थियो ।
शुक्रबार भेटिएको उक्त कम शनिबार बिहान नेपाली सेनाको बम डिस्पोजल टोलीले निस्कृय पारेको हो । कैलालीका प्रमुख प्रहरी उपरीक्षक पदमबहादुर बिष्टले नेपाली सेनाको बम डिस्पोजल टोलीले उक्त बमलाई डिस्पोजल गरेको बताए ।
खिया लागेको अवस्थामा भेटिएको बम द्वन्द्वकालीन अवस्थामा गाडिएको हुनसक्ने अनुमान गरिएको छ ।
