धनगढी : कैलालीको लम्कीचुहा नगरपालिका वडा नम्बर १ राजीपुर आसपासका क्षेत्रका ब्राउन सुगरको कारोबार गर्ने २ जना प्रहरीले पक्राउ गरेको छ ।
लम्कीचुहा नगरपालिका वडा नम्बर १ तिल्केनी बस्ने २१ वर्षिय टंक बोहरा र सोही ठाउँका २२ वर्षिय पदम न्यौपानेलाई प्रहरीले २ ग्राम १७ मिलिग्राम ब्राउन सुगर सहित पक्राउ गरेको हो ।
जिल्ला प्रहरी कार्यालय कैलालीले, प्रहरीलाई आएको गोप्य सूचनाका आधारमा उक्त ब्राउन सुगर पक्राउ गरिएको जनाएको छ । ईलाका प्रहरी कार्यालय लम्कीबाट पहरी निरिक्षक लोकेन्द्र बहादुर सिंहको कमाण्डमा खटिएको प्रहरी टोलीले उक्त अप्रेशन गरेको हो ।
दुबैजनालाई सोधपुछ गर्दा पदम न्यौपानेको घरमा लुकाई–छिपाई टिनको बाकस भित्र रहेको खुकुरी चुरोटको बट्टामा कालो प्लाष्टिकको झिल्लीमा पोका पारी राखेको ५६ थान पोका पक्राउ गरिएको हो ।
प्रहरीले पक्राउ परेका दुबैजनालाई ईलाका प्रहरी कार्यालय लम्कीको हिरासतमा राखि थप अनुसन्धान भईरहेको जनाएको छ ।
