धनगढी : कैलालीबाट एक जना लागुऔषधसहित पक्राउ परेका छन् । जिल्लाको गोदावरी नगरपालिका–८ का २० वर्षीय बिबेक चौधरीलाई लागु औषध (हेरोईन) सहित पक्राउ गरेको इलाका प्रहरी कार्यालय मालाखेतीले जनाएको छ ।
चौधरीलाई इलाका प्रहरी कार्यालय मालाखेती र लागुऔषध नियन्त्रण व्यूरो शाखा कार्यालय धनगढीबाट खटिएको संयुक्त प्रहरी टोलीले पक्राउ गरेको हो । उनको साथबाट ३६० मिलिग्राम लागुऔषध (हेरोईन) बरामद गरिएको छ ।
