Skip to main content

जिल्ला प्रशासन कैलालीले राष्ट्रिय परिचयपत्र बाड्न १३ वटै पालिकामा टोली खटायो

Submitted by editor on
ईबिगुल संवाददाता
जिल्ला प्रशासन कार्यालय

 धनगढी : जिल्ला प्रशासन कार्यालय कैलालीले राष्ट्रिय परिचयपत्र वितरण गर्न १३ वटै स्थानीय तहमा कर्मचारी परिचालन गरेको छ ।

राष्ट्रिय परिचयपत्रका लागि आवेदन फारम भरेका नागरिकलाई वितरण गर्ने सबै पालिकामा टोली खटाइएको जिल्ला प्रशासन कार्यालयका सूचना अधिकारी शिवराज जोशीले बताए ।

जोशीकाअनुसार परिचयपत्र लिएर स्थानीय तहमा पुगेका कर्मचारीले भोलि बुधबारदेखि वितरणको काम गर्नेछ ।सर्वसाधारणले स्थानीय तहको कार्यालय तथा पालिकाले व्यवस्थापन गरेको ठाउँमा पुगेर परिचयपत्र प्राप्त गर्नेछन् ।

केही दिनसम्म परिचयपत्र वितरणको काम गरिनेछ ।सो अवधिमा परिचयपत्र नबुझ्नेको कार्ड जिल्ला प्रशासन कार्यालयमै राखिनेछ ।
त्यसपछि सम्बन्धित व्यक्तिले प्रशासन कार्यालयमै पुगेर परिचयपत्र लिनुपर्नेछ ।