धनगढी : हरेक वर्ष पाठ्यपुस्तकको अभाव झेल्ने सुदूरपश्चिममा यसवर्ष भने समयमै पाठ्यपुस्तक वितरण सुरु भएको छ । प्रदेशको सबैभन्दा दुुर्गममा रहेको बाजुरा जिल्लाका लागि मंगलबारबाट पाठ्यपुस्तक वितरण सुरु भएको हो ।
हरेक वर्ष पाठ्यपुस्तकको अभाव झेल्ने सुदूरपश्चिममा यसवर्ष भने शैक्षिक सत्र सुरु हुन अगावै पाठ्यपुस्तक वितरण सुरु भएको हो । बाजुराको अतिबिकट कोल्टी क्षेत्रका लागि मंगलबारबाट पाठ्यपुस्तक वितरण भएका छन । कोल्टी क्षेत्रको स्वामीकार्तिक खापर गाउपालिकाका लागि पुस्तक ब्यवसायी नरेश जंग शाहीले २५ लाख मूल्यका पुस्तक लगेका छन ।
‘यसपाली गतवर्षको भन्दा एक महिना अगाडि नै पाठ्यपुस्तक पाएका छौं । चाहिने जति सेटमै पुस्तक पाईका पनि छन । यसपाली विद्यार्थीहरुले समयमै पुस्तक पाउनेछन’ शाहीले भने । ‘जनक शिक्षाको यसपालीको योजना राम्रो लाग्यो ।’
जनक शिक्षाले चैत्र १५ र १६ गते दार्चला, १७ गते बझाङ, १८ गते बैतडी, १९ गते अछाम, २० गते डोटी, २१ गते डडेल्धुरा, २२,२३ र २४ गते कञ्चनपुर र चैत्र २५,२६ र २७ गते कैलालीका व्यवसायीलाई पाठ्यपुस्तक वितरण गर्ने योजना बनाएको छ ।
बाजुराकै त्रिबेणी नगरपालिकाका लागि पुस्तक ब्यवसायी टेक बहादुर थापाले पनि पुस्तक लगेका छन । ‘गतवर्ष बैशाखको मध्यतिर पनि पुरै सेटमा पुस्तक पाईएको थिएन, यसपाली समय तालिका तोकेरै पुस्तक पाईएकाले विगतको जस्तो अभाव नहुने आशा पलाएको छ’ थापाले
भने ।
बझाङको केदारस्युगाउँपालिकाका पुस्तक ब्यवसायी प्रयागराज धामी पनि पुस्तक लिन भनेर धनगढीमा रहेको जनक शिक्षा सामाग्री कम्पनी लिमिटेडको प्रदेश कार्यालय पुगेका छन । यद्यपी बझाङका लागि भने १७ गते मात्रै पुस्तक पाईनेछन । ‘१७ गते पुस्तक पाईएपनि त्यहाँको माग अनुसारको पुस्तकको तयारी गरेको छु । जनक शिक्षाले प्रयाप्त रुपमा सेटमै पुस्तक रहेको जनाएको छ’ उनले भने ।
जनक शिक्षा सामाग्री केन्द्र, सुदूरपश्चिमले यसपाली सुदूरपश्चिमका लागि १९ लाख थान पुस्तक आवश्यक रहेको अनुमान गरेको छ । गत शैक्षिक सत्रमा १७ लाख पुस्तक खपत भएका आधारमा यसवर्षको अनुमानित पुस्तकको संख्या तय गरिएको हो । यसवर्ष पुस्तक ब्यवसायी र जनक शिक्षाका पदाधीकारीबीच पुस्तक वितरणमा सहजताका लागि बैठकहरु पनि भएका छन ।
‘यसपाली हामीले १९ लाख थान पुस्तक खपतको अनुमान गरेका छौं । त्यस मध्ये ८० प्रतिसत किताब गोदामा आईसकेका छन । तर गोदाम कम क्षमताको भएकाले भण्डारण गर्न सकिएको छैन’ जनक शिक्षा सामाग्री केन्द्र धनगढीका प्रमुख राम बहादुर कुवरले भने ।
उनले केन्द्रमा पुस्तक प्रकाशित भईसकेपनि गोदाम अभावका कारण सत प्रतिसत भण्डारण गर्न नसकिएको बताए । ‘तर पनि २० प्रतिसत मात्रै पुस्तक आउन बाँकी छ । बाजुरा र बझाङका पुस्तक जाने वित्तिकै गोदाममा ठाउँ खाली भई हाल्छ । अनी बाँकी रहेका २० प्रतिसत पुस्तक पनि आई हाल्छन’ कुवरले भने ।
उनले यसपाली पाठ्यपुस्तकको अभाव नहुने दाबी गरे । ‘यसपाली जनक शिक्षासँग काजगको पनि कमि छैन । गत वर्ष नै छाप्ने मेसिन थपिएका छन । ब्यान्डिङ मेसीनको अभाव थियो, २ वटा ब्यान्डिङ मेसिन पनि थपिएका छन । यसपाली हामीले शैक्षिक सत्र सुरु हुन अगावै तालिका बनाएर पुस्तक वितरण पनि सुरु गरिसकेका छौं’ कुवरले भने । ‘यसपाली पुस्तकको अभाव हुन दिने छैन ।’
जनक शिक्षाले यसपाली कक्षा ३ र ४ का पाठ्यपुस्तक पनि २० प्रतिसत कमिशनमा विक्रि सुरु गरेको छ । यसअघि कक्षा १ देखि ५ सम्मका पुस्तक नीजि क्षेत्रलाई छपाईको जिम्मा दिईएको थियो । ‘नीजि क्षेत्रले समयमा पुस्तक छाप्न पनि सेकन । हामी नीजि क्षेत्रको भर पर्ने तर उनीहरुले समयमा पुस्तक वितरण नगरेका कारण आलोचना भयो । यसपाली जनक शिक्षाले ३ र ४ को पनि पुस्तक वितरण गररहेको छ’ कुवरले भने ।
जनक शिक्षाले सामुदायीक विद्यालयका अंग्रेजी माध्यमका पुस्तक पनि पर्याप्त मात्रामा रहेका जनाएको छ । ‘अंग्रजी माध्यमका पुस्तक पनि सेट मै आएका छन । ऐच्छिक बाहेक अहिले पर्याप्त पुस्तक आएका छन’ कुवरले भने ।
