धनगढी : धनगढी उपमहानगरपालिकाले नगर क्षेत्रभीत्रका पोलहरुमा गुजुल्टो बनाएर राखिएका तारहरु नहटाए कारवाही गर्ने चेतावनी दिएको छ । उपहानगरले सार्वजनिक सूचना जारी गर्दै उपमहानगर क्षेत्रभीत्रका ईन्टरनेट र केबल सेवा प्रदायकहरुलाई यस्तो चेतावनी दिएको हो ।
‘यसरी गजुल्टो बनाएर राखिएका तारहरुले नगरको सौन्दर्यमा हस हुने, आगलागी हुनसक्ने सम्भावना भएकाले कार्तिक महिनाभीत्रै सबै हटाउन अनुरोध गर्दछौं’ उपमहानरले जारी गरेको सूचनामा भनिएको छ । उमहानरपालिकाले कार्तिकको ३० गतेसम्मको समय सीमाभीत्र गुजुुल्टीएका तारहरु हटाउने समय सीमा तोकेको छ । ‘उक्त अवधीभीत्र तारहरु ब्यवस्थापन नगरेमा तारहरु काटिने कार्य प्रारम्भ गर्ने र नहटाउने ईन्टरनेट र केबुल सेवा प्रदायकलाई ५ हजार जरिवाना पनि गरिने छ’ जारी सूचनामा भनिएको छ ।
२०८० सालको चैत ४ गते उपमहानर र ईन्टरनेट तथा केबुल नेटवर्क सेवा प्रदायकबीच बजारभीत्रका पोलहरुमा अब्यवस्थित तरिकाले राखिएका तारहरु हटाउने सहमति भएको थियो । तर अहिलेसम्म पनि बजारका अधिकांस पोलहरुमा तारको गुजुल्टो यथावत छन ।
