कञ्चनपुर : घरायसी विवादका कारण कञ्चनपुरको भीमदत्त नगरपालिका–८ तिलाचौरका पूर्व प्रहरीले श्रीमतीको हत्या गरेका छन ।
जिल्ला प्रहरी कार्यालय कञ्चनपुरले दिएको जानकारी अनुसार भीमदत्त नगरपालिका वडा नम्बर ८ तीलाचौरका ४९ वर्षीय नरेन्द्र विष्टले शनिबार बेलुकी घरायसी विवादमा श्रीमती ३० वर्षीया ज्योती विष्टको धारिलो हतियार प्रहार गरी हत्या गरेका हुन् ।
जिल्ला प्रहरी कार्यालय कञ्चनपुरका प्रवक्ता (डीएसपी) उमेशराज जोशीले घरसायी विवादमा धारिलो हतियार प्रहार गरेर श्रीमतीको हत्या गरेको बताए । ‘ज्योती नरेन्द्रको कान्छी श्रमती रहिछन, जेठी श्रीमतीको मृत्युभएपछि अर्को विवाह गरेका रहेछन । घरमा सधैंजसो झगडा भईरहने रहेछ । शनिबार मदिरा सेवन गरेको झोंकका नरेन्द्रले धारिलो बस्तुले हानेर हत्या गरेका रहेछन’ डिएसपी जोशीले भने ।
प्रहरीले नरेन्दलाई शनिबार नै नियन्त्रणमा लिएको जनाएको छ । नरेन्द्र प्रहरीका पूर्वअसई हुन् । उनले जेठी श्रीमतीको निधन भएपछि ज्योतीसँग दोस्रो बिहे गरेका थिए । सोधपुछका क्रममा उनले हत्या स्वीकार गरेका छन् ।
