धनगढी : कैलालीको चिसापानी रोकिएको अटो रिक्सामा मोटरसाइकल ठोक्किदा ३ जना घाइते भएका छन् ।
सोमबार साँझ साढे ८ बजेको समयमा लम्कीचुहा नगरपालिका– ३ को चिसापानी नजिकै गोरुङगेमा रोकिएको सुपप्र ०१००१ ह ४४६६ अटोमा सुपप्र ०१०१० प २५९५ नम्बरको मोटरसाइकल ठोक्किएको थियो ।
ठक्करबाट अटो चालक लम्कीचुुहा नगरपालिका– १ बस्ने २५ वर्षीय कमल न्यौपाने, मोटरसाइकल चालक कालीकोटको त्रिवेणी गाउँपालिका–३ बस्ने २५ वर्षीय मदनराज देवकोटा र पछाडी सवार जाजरकोटको बारेकोट गाउँपालिका– ३ बस्ने ३९ वर्षीय चन्द्रबिक्रम शाही घाइते भएको प्रहरीले जनाएको छ ।
उनीहरुको लम्कीस्थित लालरत्न अस्पतालमा उपचार भइरहेको छ ।
