धनगढीः अछामका पाँच नेता एमालेबाट निष्कासित भएका छन् ।
भीम रावल नेतृत्वको मातृभूमि जागरण अभियानमा संलग्न भएको भन्दै नेकपा एमाले सुदूरपश्चिम प्रदेश कमिटीले प्रदेश समिटी सदस्य र सल्लाहकार परिषद्मा रहेका पाँच जना नेतालाई पार्टीबाट निष्कासन गरेको हो ।
प्रदेश सल्लाहकार परिषद् सदस्य हर्क कुँवर र लालबहादुर खड्का, प्रदेश कमिटी सदस्य जंग बहादुर विक, दुधकला बिष्ट र केशर मियाँ रहेका छन् । उनीहरु पाँचै जना अछामका हुन्। उनीहरुले विधान विपरीतका कार्यमा संलग्न भएको भन्दै सचिवालय बैठकद्वारा कारबाही गरिएको एमाले प्रदेश सचिव रणबहादुर रावलले जारी गरेको विज्ञप्तिमा उल्लेख छ ।
