धनगढीः कैलालीबाट लागूऔषधसहित ५ जना पक्राउ परेका छन्।
भजनी नगरपालिका–३ जवलपुरका २२ वर्षीय सागीराम चौधेरीको घरबाट उनीसहित सोही नगरपालिका–२ बस्ने २१ वर्षीय निरज चौधरीलाइ लागूऔषध सेबन गरी रहेको अवस्थामा शुक्रवार प्रहरीले पक्राउ गरेको हो। यी दुबै जनाको साथबाट २ ग्राम १५० मिलिग्राम खैरो हेरोइन फेला पारी इलाका प्रहरी कार्यालय भजनीबाट खटिएको प्रहरी टोलीले नियन्त्रणमा लिएको छ।
यसैगरी धनगढी उपमहानगरपालिका–२ चेक पोष्टबाट बर्दियाको गोरुवा गाउँपालिका–३ बस्ने १९ वर्षीय नविन थापालाई स्पास ६३ ट्याब्लेट र नाईट्रोभ्याट १८ ट्याब्लेटसहित प्रहरीले पक्राउ गरेको छ। धनगढी उपमहानगरपालिका–२ पुरानो भन्सार रोडबाट धनगढी उपमहानगरपालिका–८ बस्ने २७ वर्षीय कमल रानालाई २२० मिलिग्राम खैरो हेरोइनसहित पक्राउ गरिएको छ। यी दुबै जनालाई जिल्ला प्रहरी कार्यालय कैलालीबाट खटिएको प्रहरी टोलीले नियन्त्रणमा लिएको छ।
धनगढी उपमहानगरपालिका–२ चेक पोष्टबाटै थप एक जना पक्राउ परेका छन्। पक्राउ पर्नेमा गोदावरी नगरपालिका–८ बस्ने १९ वर्षीय गोविन्द कठायत रहेका छन्। कठायतलाई १ ग्राम १८० मिलिग्राम खैरो हेरोइनसहित जिल्ला प्रहरी कार्यालय कैलाली र प्रहरी चौकी त्रिनगरबाट खटिएको प्रहरी टोलीले शुक्रवार नियन्त्रणमा लिएको छ।
