डडेल्धुरा : डडेल्धुराको नवदुर्गा गाउँपालिका–५ चौडमा बिहीबार बिहान भएको जिप दुर्घटनामा मृत्यु हुनेको संख्या पाँच जना पुगेको छ । दुर्घटनामा परेर गम्भीर घाइते भएका नवदुर्गा गाउँपालिका– ५ का ४२ बर्षीय गणेशबहादुर साउँदको मृत्यु भएको प्रहरीले जनाएको छ । उनको धनगढीस्थित मायामेट्रो अस्पतालमा उपचारका क्रममा निधन भएको पारिवारिक श्रोतले जनाएको छ ।
दुर्घटनामा परेर चारजनाको घटनास्थलमै ज्यान गएको थियो । नवदुर्गा गाउँपालिका–५ का १८ बर्षीय सुरेश साउँद, २३ बर्षीय सुरेश पार्की, ४० बर्षीया तारा अवस्थी र ७२ बर्षीया कलावती साउँदको घटनास्थलमै मृत्यु भएको जिल्ला प्रहरी कार्यालय, डडेल्धुराले जनाएको छ । घाइतेहरूमध्ये तीनजनाको धनगढीस्थित माया मेट्रो अस्पतालमा उपचार भइरहेको छ भने जिप चालक रामबहादुर साउँदलाई थप उपचारका लागि भारत लगिएको बताइएको छ ।
७ बर्षीया सुस्मिता पार्कीको भने डडेल्धुरा अस्पतालमा उपचार भइरहेको जिल्ला प्रहरी कार्यालय डडेल्धुरा प्रवक्ता, प्रहरी निरीक्षक डम्बर बिष्टले जानकारी दिए ।
