धनगढी : विहीबार डडेल्धुराको नवदुर्गा गाउँपालिका–५ को चौडमा भएको दुर्घटनाको घाईतेहरुको मायामेट्रो अस्पताल धनगढीमा उपचार भइरहेको छ ।
बिहीवार बिहान भएको जीप दुर्घटनामा परेका चार मध्ये तीन जनाको धनगढीको माया मेट्रोमा उपचार भईरहेको हो । तीनै जनाको सघन उपचार कक्ष (आईसीयू) मा उपचार भईरहेको अस्पतालका जनसम्पर्क अधिकारी जगत महताले जानकारी दिएका छन् ।
विहीबार उग्रतारा यातायातको से १ ज ७३८ नम्बरको जीप दुर्घटनामा परेर नवदुर्गा–५ का १८ वर्षीय सुरेश साउद, २३ वर्षीय सुरेश पार्की, ४० वर्षीया तारा अवस्थी र ७२ वर्षीया कलावती साउदको मृत्यु भएको थियो । गम्भिर घाईते ४७ वर्षका गणेश साउदको मायामेट्रो अस्पतालमा मृत्यु भएको थियो ।
मायामेट्रो अस्पतालमा रहेका बिरामीको अवस्था
१ सुशीला विक १६ बर्ष (टाउकोमा चोट रहेको । आइसियूको भेन्टिलेटरमा उपचार हुँदै)
२ चन्द्र सिहँ साउद ४८ बर्ष (दुबै खुट्टाको तीन ठाउमा भाँचिएको र टाउको सामान्य चोट । आइसियूमा उपचार हुँदै)
३ प्रकाश विक ३८ बर्ष (टाउको, मेरुदण्डमा चोट र हातमा सामान्य चोट । आइसियूमा उपचार हुँदै )
